الأربعاء، 21 أبريل، 2010

داير للذبان كراسي


شعر اكرم الكاسح
هذه كلام قلته الايام اللي فاتن بعد تعرضت لبعض المضايقه من عرب اقدم وحكيت القصه عالتلفون للشاعر اكرم الشلماني واساني وقال لي ماتديرش للذبان كراسي فكك ربي منهم الناس اللي كيف هذوم
علق هالكلام في راسي وزدت عليه وقلت :

داير للذبان كراسي..قيسي ناسي ..نا بن من ومنهم ناسي
داير للذبان جراير
غفلت حاير
جرتني شورك ياباير
ماهي ترويده ابدباير
دوخة راسي
خلتني تابع وسواسي
وانتو مافيكم ماانخاير
موش مقاسي
يوطاكم حاشاه مداسي
ماجا منكم فيت خساير
هم سواسي
لقلاعي ماتجوش مراسي
داير للذبان كراسي..قيسي ناسي..نابن من ومنهم ناسي
داير للذبان اوساد
العالي راد
اندير معا باتك ميعاد
انجيه ونا ماني نشاد
حشم قرطاسي
واريته جوه فلباسي
ثاريته مرتوع فساد
وبخله قاسي
باتك كي خوتك متماصي
وامك فمها عيبه زاد
خطا متقاصي
لفعى فالثوب البقاصي
نااليوم لربي حماد
نسب متفاصي
هنته في سوق الوكاسي
لاابخوال ولابسياد
حفرت بفاسي
بنتو ياعيت المصماصي
عيلة مقطوعة لسناد
بحث قصقاصي
قال مرق في ذيل طواسي
داير للذبان كراسي..قيسي ناسي..نابن من ومنهم ناسي

الاثنين، 12 أبريل، 2010

قولو لها


شعراكرم الكاسح
ورد الشاعر محمد العبيدي

قولو لها لقسام قالن لالا

وقولو لها ماني سبب توخير

قولو لها لفراق ماناباله

لكن ظروفي حتمن تقصير

وقولو لها جيش الزعل بانزاله

سيطر وما خلف معايا خير

انسدن علي دروب صارت حاله

ومالي جناح انجيك بيه انطير

وقولو لها لوتعلمي باحواله

حسابه معا روحه حساب عسير

وقولو لها ميعادنا ومواله

دار جرح ف الخاطر يزيد سطير

وقولو لها تدعي الله تعالى

لاشر يغلب لاالفكر ايحير
وقولولها ديما عليك سواله

وما للغلا في خاطري تغيير

وقولو لها اللي للخطا حماله

تسامح وتعذر ماخطاي كبير.

رد محمد العبيدي وقال:
قولولها لقسام قالن لا لا
وقولولها مانى سبب توخير
وقولولها لفراق بهدل حاله
قيس السعد ما يريدلي فالخير
وقولولها م اليأس خرب جاله
أنكني نويتك ومركبي بيسير
لك بالحنان والشوق زاد أحماله
مجداف عوني أيكسره تكسير
وقولولها ياسي علي دلاله
موصيه بوه اوعالوصا مايحير!
وقولولها هي عادته بجياله
يابال وصى بوه في بخير
وين ينتشي جنين الغلا يلفاله
يسلط عليه أيقطمره أتقطمير
وقولولها عذرا ألها الفساله
أيريده أرضا ولديه بتصوقير
وقولولها جربت بختي حاله
فرش رقد وغطاه هو الوثير
وقولولها وبكل طب أنجاله
بيش أيتقعد نجبروه أيسير
أيروق أيتنفس يعجبك مواله
ويرد ينتكس يصبح بوضع خطير
وقولولها حتى الفقيه مشاله
وهام ومدح كيف طقله البندير
وقولولها يلطف الله بحاله
فاقد غوالي خاطري وكسير
وقولولها جبري أصعب بحماله
وجبر الخواطر موش أمر يسير
وقولولها هو سامحك باماله
ويريده سموحك طالبه بالخير

حبل الغلا
ردي علي الشاعر اكرم موسى الشلماني

((لادرت غيرك لاغلاك نسيته.. حبل الغلا عمداً اليوم رخيته))

راخيه نا بلعانه حليت
عقدته افتكيت من جرنانه
انسيه خاطري وهوفيه ياما عانا
 شعفه وتوبه عَ الغلا وقسميته
اليوم ناسي دمعته واحزانه
 وناسي امراره وقسوته وحنيته
بيت الغلا لو مشرعه بيبانه
 نبعد عليه اتقول ما حقيته
انجري خطاي نفوتهن سيسانه
 نواطي النظر نستخسر التبهيته
وحتى ان قابلني بضم احضانه
اليوم خاطري راني عليه نهيته
ياما الغلا حاربت في ميدانه
وياما حصل عقلي فْشرك غيريته
وياما صهدني حر من نيرانه
 وياما سنيناً م الشباب عطيته
ونقول ماغير الزها اْعقبانه
عذاب وجفا وبكا هو ثاريته

******
رخيته كله
 اليوم ع الخطا طالب سموح من الله
راقن احوالي صحتي ماشاالله
 الماضي دفنته بالثرى واريته
غمام الغلا عني اليوم اجّلى
 بعد صبر نا راني زهاي جنيته
نوصي الفاضي ما بغلا يسلى
راه يصهدك كان بحفاك وطيته
وراهو ان شب معاك زاد تعلى
وتقب دمعاتك وما طفيته
انهاه قلبك ع الغلا لاتدله
 يطيعك وهو فاضي ان كان نهيته
ويعصيك كنك بالغلا تدلل له
 يجيك بندم لو ع الغلا داعيته
نعطيك ناتج نا اللي واصل له
صاحب الغلا كيمن فقد حريته
ابعد عليه جملة حواسك خله
لاتكون لاسيده ولاحاشيته.





سامر الليل بطوله
اكرم الكاسح
سامر الليل بْطوله معا صورة الغالي الصعيب وصوله نبكي غنوتا

سامر الليل انجض

يابو الشلماني الجرح اْنقض

مكلوب حالي في غطاي اْنعض

جملة افكاري بالغني مشغوله

جاني نباه اليوم قلبي خض

رقن اْعزام اللي اْشداد حْيوله

دبر عليا يارفيق الحظ

مايوم جاني بالزها مفعوله

ياصاحبي تمّا غلاه مرض

تماضى افجوفي نا نعاني هوله

ياصاحبي جرحي المتعارض

ابواب الشفا منه علي مقفوله

ماتقوليش الصبر راهو فض

كي شاف حال العين مي معدوله

خايف حساب الله كان قبض

روحي وخايف من عْتاب رسوله

نْريد ننشدك وانتا اللي واقظ

فاهم معانيه الغلا ومدلوله

جرح الفراق اللي القسم فرض

ان كان له دوا ينباع سا نشروله



السبت، 10 أبريل، 2010

قرنقه


شعر اكرم الكاسح
مشاركتي المتواضعه في قصيده قرنقه المجهولة القائل أُْضيفها الى مشاركة الشاعرين خالد ارميله الفاخري وحسن بوزنين الشيخي ,وبالرغم من المسافه الزمنيه الطويله التي تفصلني عن أيام ولادة هذه القصيده الا أنها صادفت هوىًً

في نفسي فرددتها حتى اضفت اليها  هذه المشاركه:

ثلاث قرنقا قات وقاق خبر مالاق تزروني زرعلي فراق
قرنقه صار قرنقه في صوبه مشوار
قرنقه عيبه فيا فيا دار بعد لشواق توارى مايجيبه ملحاق

****
قرنقه صوب قرنقه خلاني مذهوب
قرنقه قلت عليه نتوب وله نغلاق غلاكم قبل يسير عواق
****
قرنقه داه قرنقه تعبني مرجاه
قرنقه وين اقرب ملقاه وقلت وثاق يسيروماصار الا فراق
****
قرنقه حيه قرنقه نسني طاريه
يهينوني وانا شاريه بقل لباق حديثاً دارو ماينطاق
****
قرنقه شر قرنقه شيطانه شاطر
قرنقه قالو في مكَر وصار زلاق زمقت ونا ناني زماق
****
قرنقه حاس الخاطر ياغالي للباس
يغرك فيا دي الناس تجي سواق عيوب ملفقهن لفاق
****
قرنقه مال بخيتي لجل قليِِِِِِّل مال
قرنقه تمت قيل وقال شكع براق خصومه ياعين الهقهاق
****
قرنقه تم الصوب وناماني ظالم
قرنقه جرَّني للغم وقل رواق اتفقفيق وعبره وشراق
****
قرنقه هان قرنقه قبل الصبح يبان
غلانا اللي صناه زمان انسيته راق الخاطر يم خدودشفاق
****
قرنقه حار دليلي في صحرا دوار
يريد هيف دزيره تخضار تحيد احراق الضامي لم شفاه رقاق
قرنقه كان نعد غلاك ايام زمان
قطيعه صارت في جيران علي زناق امتلصت خشت فيه عناق




الكاسح والعوامي...مشاركه

اكرم الكاسح

انظر اشدارو ابعدي ,, ا نشا الله سعدهم موش كيف اسعدي ,, اعزازن أقدم انظر

انظر اشدار الياس
فيهم وهو فينا قطع لنفاس

لمن سالنا قلنا كما ها الناس
عايشين نحنا وليّام اطردي

اللي قبل كنا قارنين الراس
اليوم يامضانيني انجض اوحدي

ويش السبب وسواسنا الخناس
في فراقنا يم الغثيث ابجدي

ولا السبب حاسد بكل خساس
فتن وخلانا اعدا وضددي

كل حد في جيهه اغبي منهاس
قضا والقضا لله مالا ارددي

يانا اللي همي اكداس اكداس
ويانا اللي زايد علي انكدي

كاس الجفا مامر منه كاس
ونار ياسهم ما كيفاش اصهدي

ابقي الليل منهن ليلة العساس
نا والنجوم انكملوه انشدي

علي ناس كانولي قمر ونّاس
خذتهم دميسة وبارقه وارعدي

انظر اشدارو ابعدي ,, ا نشا الله سعدهم موش كيف اسعدي ,, اعزازن أقدم انظر

ونيس العوامي

انظر اشدارو ابعدي ,, ا نشا الله سعدهم موش كيف اسعدي ,, اعزازن أقدم انظر

انظر نصيب خذاهم
وانظر بغيري قارنين اسماهم

انظر بطولهم ولا أكبار ضناهم
ولا كما حالي أندور اوحدي

نشعر ونجبد في سريب غلاهم
هذا اللي ألقيته ف قيس أجهدي

سبحان كيف كنا زمان معاهم
متوالفين ما احسبنا غلانا ايغدي

ظروف احكمني و الزمان زواهم
ونا غير كملته العمر اطردي

ننشد عليهم كل من راعاهم
ايش حال من كانوا زمان اسندي

انظر اشدارو ابعدي ,, ا نشا الله سعدهم موش كيف اسعدي ,, اعزازن أقدم انظر

الخميس، 1 أبريل، 2010

هناك ناس

ملحمه شارك فيها العديد من الشعراء كلٌ حَدَثَ بما جادت قريحته
وكانت مشاركتي نتيجه قراءة مشاركة الشاعر بوعياد الشهيبي التي اعجبتني فحاولت نسج كلماتي لأعبر بها عن مكنوناتي كما عبر وابدع من سبقني

 
هناك ناس يامخبثّم

وقت المصالح ريت يامكوسّم

وهناك ناس في رزق الحرام اتقسم

عليه فالحياه مربيين ضناهم

البلعطه والكذب كيف نفسّم

نحمد الله اللي خرب ملقاهم

خزاهم الله وداهيه تلحسّم

بفلان هلي عالربا رباهم

لايجيب فيه اللوم لايتحشّم

يجيرك الله يلي تريد دناهم

كي البات كي العويل في لتغشّم

ان دارو خطا ماهناك من ينهاهم

سبحان كيف اقبلتها نسبتّم

اللي مايقيمو قدر شيخاً جاهم

نايضين مايريدو اللي يحتحتّم

كرمكم الله نقول في طرواهم

طايعين لفلانه اللي حكمتّم

دناقير طوطايه الله يخزاهم

وحق النبي ماتشرفك رفقتّم

عالناس محسوبين غير اسماهم

لانريد مشيتّم ولاجيتّم

ولانريد نعرف جار جار احذاهم

ولانريد نبكي من جرر خونتّم

ومانيش متحسر علي فرقاهم

كي نية الشيطان كي نيتّم

الله عن طريق الحق زاد عماهم

عيت دوبهم عديت في جرتّم

روحت مانعرف امفيت اشناهم

شينك عرب شين الله خلقتّم

واطباع كي لذياب زاد عطاهم

مانيش متحسر كما حسرتّم

ولاني اللي نادم عليه جفاهم

ولانريد طوقتّم ولاغرتّم

سوق الغلم مليان من يالاهم

عليم الله

شعر اكرم الكاسح
عليم الله.. ياعين نزحت دمع في فرقاه ..مالقيت لك حيله

عليم الباري

ياعين ماعندك عليش اتواري

حموله ثقيله ماقدرش احماري

ينهض ابها حمل الغلا كداه

ولاناقتي قدرت اطوال اسفاري

وطن الزها مبعد علي جباه

ارسيلك علي براً ذهبتي اشواري

ننساه ولانموت من سباه

عليم الله ..ياعين نزحت دمع في فرقاه.. مالقيت لك حيله

عليم حسيبي

ابجرح ناقل في خفا زاريبي

زايد عقاب الليل في تقليبي

كيف الشوا عالجمر من مدعاه
ناوصورته نبكي خراب سريبي



ونقول لولا القل مانجفاه



ياعين توبي راه موش نصيبي



خلاص ابخراب الصوب خبرناه



عليم الله ..ياعين نزحت دمع في فرقاه.. مالقيت لك حيله



عليم الحق



بالحال هلي كل يوم ايرق



ولابو الكاسح مال غير سرق



ولانا اللي نحود علي مبداه



ولاجدنا في يوم هان ولق



هل بيت ربي بالعصر علاه



لوكان ماجابه المال عرق



نجفوه ونعيشو اكرام بلاه



ونفارقو شوفة هميل الرق



انعدوه كيف المال لي خسرناه



عليم الله.. ياعين نزحت دمع في فرقاه.. مالقيت لك حيله

دنا ماصار

شعر اكرم الكاسح
لاصملت لاهو دناها صار
العين حايسه غالب عليها شوقها
انجي لدارها فينّار في فورار
في كل شهر طامع انريد انتوقها
يسرح العام ايحوش عام اغيار
ومي ميسه عيني لقا معشوقها
حايزينها شينك اريا فالدار
فعايل اقلال الدين نسيو احقوقها
يشّرطو تحلف اتقول اميار
وهم ناس مايضرب الشبر اعروقها
اللوم والعتب عل لي طلب لقدار
من ناس خالي مالعقيده سوقها
اللي قولهم فالوجه موش اصدار
ولاهم فعايل تنحسب ملحوقها
رفاقاك لو وطنك زها ونوار
واعداك وقت العين خص يعوقها
عيله امها تخرب ابيوت عمار
يجيرك المولى من اقطاف خزوقها
الابيها ساكت وشي مادار
خايف انها تنفخ عليه اشدوقها
طالب الله علام كل اسرار
يجازي فعايلها بغول ايبوقها





عين الفليت



شعراكرم الكاسح

مشاركه في راس بيت للشاعر عبد الله البويف الدينالي رحمه الله

قال:

((حاجرينه عين الفليت الدامي مانواجبه حتى وهو قدامي))

شاركت وقلت:

عين الفليت الحر

بودور لانقض عليك خبر

ومشية دلع وين ما علي اتمر

نعرق ونزمط من غلاه كلامي

رقيق ساقها كيما هميل البر

لهيب خدها كيف الحديد الحامي

وجبنونها فوق الحواجب غر

قمره اتضوي في دميس ظلامي

ومضحك لها سمح الوجاب ايسر

لونحوزها نوصل حدود احلامي

لكن الله يقطع احبال الشر

حاجرينها ومكدرين منامي

خلت انظاري بالدموع اتجر
نين ماهطيل الدمع بل احزامي

تمن علي مالبخت كي الغفر

موحي وياساتي وضيق علامي

الحاصل اني مباعد نويت سفر

ميس وتمه الياس شي الزامي

حاجرينه عين الفليت الدامي مانواجبه حتى وهو قدامي




محاوره بين الشاعر والحوش

يقول الحوش للشاعر :

شن جاي تبي من بعد ماهانك ..وبالسو قابل طيبتك واحسانك

شن جاي تبي يادعي من غادي

مصبي احذاي وبالحنين اتنادي

حتى وانت ساكت حس جوفك صادي

خبر علي جرحك وميل زمانك

رد عليه الشاعر وقال:

ناجاي بيش انحقه

ارياف الغلا عطبك علينا نقه

مليت هو يضرب ونا نتقى

نين جابني رامي علي بيبانك

الحوش:

انظر كيف مانك صافي

مسيب سريرك والفراش الدافي

تحت المطر تبكي نريد اولافي

حديثك عجب رايفت للي خانك

الشاعر:

ياحوش قيسك جاهل

الشوق في غلا لولاف ماهو ساهل

نحكي معاك ونا اللي نستاهل

شن عرفك مايفهمن سيسانك

الحوش:

ماني فهيم صحيح

لكن ابنايا ماتهزه ريح

ولاني علي طول الزمان انطيح

كي طيحتك يلي طويل لسانك

الشاعر:

عيبك زاد

ياحوشها مانريد لك ميعاد

ولانريد جيه امغير ربي راد

ولقيتني مصبي علي بنيانك

الحوش:

ياريت تمشي اتروّح

في شوكتي لاماتجي تطوّح

خلاك شوق اعزاز غير اتنوّح

تبكي تريد الحن من حبانك
الشاعر:

نبكي نريد الحن من حباني

ونبكي نريد يروف بي زماني

ونبكي نريد اتروف ماتنهاني

نريد ننظره غالي اغبي فاركانك

الحوش:

لاماغبي فاركاني

ولاهو فهالشارع ولاالسلماني

غرب سكن عنوان موعنواني

لايريد شوقك لايريد حنانك

الشاعر:

هاذين موش اخباره

تكذب علي اتريدني انتواره

تعرف اجحا نا راه كي مسماره

لاعند ماتصدق معاي بيانك

الحوش:

بياني حق

عدى خلاص مناك ماينطق

حديثك يخلي كل عزم ايرق

الله يعاونك ياريت في حرمانك

جفاني وسافر

شعراكرم الكاسح

جفاني وسافر بالزهاوي عدى
مني خذوه وما قدرت نرده
خلا احلام العمر لي بانيهن
 كي برج ف امريكا اسامه هده
سلبني اعزاز اثنين سافر بيهن
 عقلي وقلبي في اوقات الشده
خذاهن بلا رده رزاني فيهن
 تركني خلا في ردتا نج نجّدى
اسرار الغلا في خاطري كاميهن
 ايام كنا في زمان موده
ماتقولش يسافر وهو ناسيهن
ومادمعتا في فراق بلت خده
اليوم مابكيتش دم فيت عليهن
 سيول دمعتي ع الخد جت منهده
لغيرك لمن ياربنا نشكيهن
 همي وغمي والكدر والشده
صفحات ماضي كنت متناسيهن
 مفارق مكانات اللقا من مده
غلبني ريافي جيت ننظر فيهن
 روحت همي ماقدرت نقدّه
عيونك حزانى وين هو غاليهن
 نشدني مكانه قتله الحال تردى
جنها صبايا مادات ايديهن
 خذنها لعلي واكرم الله لاترده
ديارن وخلين من غلا مزهيهن
الخاطر خلي بروحه وبكى من جده
وياسات فوقي دوسن كرعيهن
كلا الرجا مني رفعها يده
ايام العزيز بدمعتي باكيهن
 ياسي ضرب مالقيت بيش نصده
كلا طرقا اوعار ما نمشيهن
لاني فرس لاني سلاح وعده
نشد الرحيل ديارها نغزيهن
نلاقي العدو ملاقاة ند لنده
نا يامكانه لشواق مانبيهن
 لازم يجيني يوم ننسى وده
وننسى زها لعيون وين يجيهن
كي طير جافل فوق صدري هدى
سبحان ربي اللي القسم اخطيهن
 عيونه غزير الدور سمح الكده
خلا عيوني نومهن جافيهن
 نسيني وشارك قاتلي المخده
لنظار ياربي الصبر عطيهن
 وننسى غلاه وملحلام نعده
جارن علي دموع ومواريهن
 بكايا عليه ومادموع ترده
يوصن عيوني دمعهن عاميهن
 ملي سلامي يوصله لاعنده
علي عد دق القلب يبدا بيهن
وعداد نجم الليل كان له عده
وعداد نابت لرض مانوازيهن
 وعداد طلاًفوق منها ندى
وعداد هالحيشان واللي فيهن
 بات وام وعويله وجد وجده
وعداد ماسقطن من مواقيهن
 دمعات كان دموعنا ماتسده.



قاعد امطرف

شعراكرم الكاسح


قاعد مطرف والعيون تذرف نبي نخرف مالقيتش جار

على ايام عدّن كِيفن مايردن ولاعد يجدن غير بلكدار

عدى وقعدنا صوب ماجددنا طايح سعدنا من كدر واقهار

اطرطش غلانا غصب يامشكانا وشمتو اعدانا صغارهم وكبار

اللي قبل كنا ذايبين محنه كنا فجنه اليوم تمت نار

حكايه بقينا داكنه وحزينه عليها بكينا في خفا وجهار

قلة اموالي خيبت ف آمالي مشغول حالي في مسا ونهار

خدمه صعيبه والردود عطيبه واليوم عيبه كان ديك اصفار

يروقن احوالك كانك باموالك معا اللي فبالك ما تذوق امرار

هاذي القسمه هكذي منقسمه ناساً ابّسمه وناس بلحسار

وانا ابسامي موتن قدامي معاهن احلامي رايحات دمار

ليومة الشيله مالقيتش حيله العين الضليله مالها دبار

عدى زماني بدلوه مكاني خبار جاني حط لي ماصار

كذاب قتله شاط في رقتله ماهيش ختله قال شوف الدار

راهو معدي بايعك ياودي من جد جدي نقولك ماصار

عديت نجري جمرته في صدري ايام عمري عاودن تكرار

ايام كانن زاهيات يبانن عليهن تقانن ياسّم واقدار

مايخيب ظني في عزيز انظني ناش درت كني فيه هالمكار

ناشد عليهم جارهم طرحيهم اريافي عليهم دار في نهار

فعيني نحايل نشدها تسايل سمح المسايل من ايديا طار

قال لي انساهم ضرني بنباهم ونا اللي غلاهم دار في مدار

روحت سارح ضايقه المطارح بكايا امبارح ضرهن لنظار

دار في عيبه واعره وصعيبه الخاطر طبيبه قال ياستار

قال لي انساهم ماتقص وراهم وغير غلاهم لو لزم مشوار

خذها نصيحه من امجرب طيحه هكي صريحه لزهم بغيار

لاتقول لالا وتلتهي بمواله تباعد مناله يتوه الدوار

زيارة اطلاله حلم مات قباله لاتفيد حاله ولاتطفي نار

قسمك اتطوله كان راد المولى راهن حلوله واجدات اختار.