غريب علي باب الجفا

شعر اكرم الكاسح
غريب علي باب الجفا ياظالم
مجافيك عالقهن جفا في نوح
ساهل تعب جسمي وقلبي سالم
لكن خلاص القلب كله جروح
خاين غلايا ليش وانتا عالم
جميع ماتديره فالخفا مفضوح
بروحي غلاك نفداه ربي عالم
وانتا غلاك ليا مغير اطروح
يازين راهو ذنب طعن مسالم
طعنه نين مانجيت الروح
ونا اللي كنت في زولك الهايم
يابوخد كي الورده تفوح
عليك اليوم متفتفت ندايم
طريلي كيف تسويسة اللوح
قبالي عيب مافيهن نسايم
احقاف غلاك منهن في نزوح
لوجردت لي تبقى حشايم
وللايمين باسرارك نبوح
ماني ضبع ناكل فالرمايم
وماندناه الا وبيدي مذبوح
وما ناكلش راه ان كنت صايم
الا اللي فيه تشّهى الروح

بين العقل والعين

اليد فاليد

شعر اكرم الكاسح

سلم عليا بيده
واليد جت فاليد
رايفت لمواعيده
العين قالت رد
ميعادها نا نريده
عليا الله يشهد
والعقل بتعربيده
رد قالي لاترد
فيها عيوب عديده
قال تنتسى لابد
صارت لها تبليده
خطاها هلب كل حد
تبقى عليك مكيده
لوترجعي للود
عيشي حياه سعيده
وماتامنيش لحد
خانت بلاتعديده
نين ماعرفت نرد
جافيتها بتسقيده
وسيبتها من جد
دارت لنا تجريده
ولايمين قالو رد
قالو اليوم نقيده
انته وضاوي الخد
قالو الجفا لاتزيده
اربط احبال الود
ماجربوش صهيده
جرحه اللي يبدد
ياعين خلك بعيده
غلاها طياح سعد
ام القرون بجيده
خلاص صوبهاحودد
نعدو غلاها صيده
وعيارها بلد
ولاقوي تسديده
الها الحارس صد
مامعيشتك تبديده
تكمل مغير نكد
عيشي بلا تنكيده
وخليه لالاالرد
الحر مارميمه صيده
ولاماعليها يهد
را الصوب مش تكسيده
الصوب جد الجد
وحكايته اتمرميده
ترخي معاه يشد

العين والعقل ونا

 شعراكرم الكاسح

العين
بين الحياه والموت
لي صاحّه لي مريضه
فايت عليها الفوت
يادوب تقضي فريضه
صلى عليها الحوت
نفس غير ماله نهيضه
عكاس راي شينك بخوت
كي نقول سوده تقول بيضه

العقل

مروح بكل اكدار
افكاره طويله عريضه
وما يجيب غير لقهار
منقوع حنظل مخيضه
يقدع على اوهام دار
قاسي علي في لفيظه
نادم ومستوه محتار
من قل تمه قريضه

انا

نا بين عقلي وعيني
وبين زول صاعب لحيظه
وبين ناس ماتبيني
وبين جرح زايد نقيضه
بكّاي شكّاي اوكنيني
يشق ال لضلاع جضيضه
وماباش يكمل خزيني
من دمع بداد فيضه

رقادة ريح

شعر اكرم الكاسح

 

رقادة ريح وبها عيروني
عيت فلان لطوه النصيب
عابو في منو ابما عطوني
ونا لي طبع مانحمل العيب
ابما كافيت لازم تعذروني
لاوالله نا ماني غضيب
علي هالحال كنكم تنظروني
تقولو في ماينفع طبيب
ميت راه لكن مادفنوني
عل لموات ماينفع نديب
كل اللوم عللي خافوني
خلافن شين خاتمته العيب
افعيت فلان ياخيبة ظنوني
امري لله ماكيفه حسيب
جيت القدر نبي صغروني
قل المال خلاني عطيب
شينك وقت كبن ياعيوني
وشينك بخت باعد لي قريب
وشينك ياس جا بينه وبيني
وشينك حال ظالمني حبيب
وحق الله وراس اللي ظنوني
جايب كل مانقدر نجيب
نا بالود نعطيهم عيوني
اونا بالسيف ماكيفي صعيب
عابو في نين ناضن جنوني
مالك قدر ياخالي الجيب
شروط نسيب كاره حملوني
وقالو (لا) جيبلنا وجيب
لاماقدرت قلت الهم رموني
بطلق لسان فالخاطر يصيب
يلي قبل كنتو تقدروني
ليش اليوم عاقلكم يعيب
بعد تشكير واجد تقرضوني
ومن كل عيب حطيتو نصيب
تريدو فرح كان الله افعوني
يقولو الناس ننقنا عجيب
راقد ريح وانتو تعرفوني
ارضيتو بي في لول نسيب
اليوم عليش تبو تهلكوني
تقول ناويين فضة هالسريب
هي فضيت هالخلطه خطوني
بلكي هك خاطركم ايطيب
انعاني جرح سطاره كنوني
امعا عبرات تابعهن سكيب
ادري بالحال كل اقصي ودوني
وبان الهم في طغوة الشيب
ونا المظلوم سبقوني شكوني
سبحان الله فالطبع الغريب
ذنب البنت يبو ايحملوني
وهم اسباب لطة هالنصيب
عرب بالمال صخ صخ بدلوني
ومالي ذنب ياعالم الغيب
هانو وين ماهم هونوني
كتاب الصوب كملته شطيب
امجافي الدار لي هلها جفوني
لاعدشوق فيها لاصحيب

حياة غلانا

شعراكرم الكاسح

حياة غلانا..انقول وين مانجبد سريب افلانه..الله يرحمه ميت

مات رحيم

خلف ضنا انعهم ضنا الخصيم

الياس والجضر والموح والتخميم

شينك ضنا بيهم الله بلانا

شواطين مافيهم اوليد فهيم

خاب ظنّا فيهم وخاب رجانا

منهم امطوح غير كي العديم

خماس تم مامنه الااصهلانا

عالي علم فيام كان سليم

خبطة انعاله اتريغن الصوانه

راس السريه امحرمه تحريم

غير لولي مايكون غير مكانه

ماله علي طول الزمان غريم

وسيع المناهج مسمحه اجولانه

ولاله مثايل فالمسار ايقيم

ولاله مثل لليوم في الهدانه

اعثر طاح  مقنود الاطراف عديم

هابا علي ليام مي خوانه

بارمات به اسقنا امرارالضيم

لليوم ماهي قندتا بريانه

خطرها غلا شوفة عناق الريم

وجرحه اللي ناقل معا اسطرانه

اوخذ من ايديا في زمان ذميم

قلنا مراده ربنا سبحانه

واللي يريدها انطيعو بلاتعذيم

اشبع موت واقبلناه فيه عزانا

حياة غلانا..انقول وين مانجبد سريب افلانه..الله يرحمه ميت

الدور النيلي

شعر اكرم الكاسح


ريدي مول الدور النيلي...كي توميلي...كي نرد لعقلي تبيلي

ريدي مول الدور طويل
عطيه من ربي سبحان
الها الطوقه مالقيت مثيل
عليما ذحنا في لوطان
كحيله من غير مكاحيل
رديعه مشيتها اميلان
كما شوفة بنت التاصيل
تحرقز مابين الفرسان
ان صبت قدام رجاجيل
علاوي فالصيت وفالشان
اتخف اللي فالروز ثقيل
امنورهم يمسى ذبلان
وتنظرهم كي التماثيل
مصابي تصباية سيسان
اتشد نظرهم بتجلويل
خبرها ماشافوه زمان
اتحازيهم كي المساطيل
وكيف اللي دايخ سكران
الها مالقيتش وصف ايخيل
قمر فوق سمانا عليان
اندانيها ويسير جفيل
ونا ليوم لقاها جضران
بلاها هايم كي الضليل
وكملته عمري اذوحان
انريد نهدا وندير عويل
امعا مول الطبع العصران
ونقربها ونكون خليل...ال ريم خويلي...نامن دون اعويلة جيلي
ريدي مول الدور النيلي 

فراق الغالي

شعراكرم الكاسح الدرسي

سبحان ياموعر فراق الغالي
وسبحان كيف جاني الصبر بلاه
يومين يالله الكريم العالي
وتقول مية عام في فرقاه
فيهن اشواق معطبات احوالي
لغالي زها لغيون يوم لقاه
نرقد ونرجي صبح يومي التالي
مانريد نصبّح الا بملقاه
لوكان مايقسم الموت اولالي
اللي لخاطري هوه دواه وداه
بلارفقته كيف ايتهنى بالي
اللي ماانطيق انعيش غير احذاه
رافع ايديا يالله بسوالي
تجاوب ادعايا فالغلا ودعاه
تجيبه ويبقى بلقسام حلالي
نصونه غلاه العمر مانجفاه
هلي بجماله فات حد خيالي
لونوصفه يقصر الوصف امعاه
نحلف بربي وكل ماهو غالي
غلايا اكفاه يفوت حد غلاه
اللي امعاه فالغيه القيت دلالي
واللي القمر مايبان من يالاه
جريت وطلبته جاوبوه سوالي
ناسن يعدو من طلب مصباه
وحتى ونا خصيّص شوي اموالي
نصون عرضهم واجب علي نرعاه
عطوني الرد وريحو مشغالي
عارفيني لمناي كل امناه
من يومها ركح تريح بالي
ونا قبل خايف من كدر فرقاه
نحمد المولي ماخباث اعمالي
ومانيش طالق عيب مانرعاه
ناكلمتي للناس هي راسمالي
واللي يودني ياخذ اردود اكفاه
نفسي عزيزه والحلال اوكالي
ونخاف مولايا انريد ارضاه
لابعيب نبدا لانعادي والي
وحقي ان طال الوقت ماننسذاه
ومايوم نشكي للعبيد احوالي
مذله الشكوى كان مي لله
افعالي ايجن من قبل حتى اقوالي
راني ولد بيتن شهير نباه
لامالمروه يوم تما خالي
ولاهناك من فينا يخيب رجاه
يارب مايخيبن معاه امالي
ونحودّه عمري انا وياه

يوم فرحها

  شعر اكرم الكاسح الدرسي

شفتك وماصدقت قلبي نفض نحساب روحي متت يا يوم فرحها

شفتك فر اق حبيب عليه الدموع سكبت
تما علي غريب ليام بي قلبت
زفة غزال لذيب ياريتني ماشفت
بعد طوطحه وسريب وصوب بالدموع كتبت
البخت كان عطيب مر الفراق شربت
واوجاع شي غريب وياس فيه غلبت
بكيتني ياذيب يوم شلتا وغربت
علي زولها الحبيب باعدتني وقربت
غالي وكان قريب بيناتنا فرقت
ليش يانصيب تعيب فيا ونا ماعبت
الله هو الحسيب مقادير لي نكتبت

شفتك وما صدقت ...........

شفتك ورا لدموع يا فرحها وكذبت
الخاطر قفز مفجوع عيني الطريق اذهبت
ماقدرتن لدموع من جد جدي اشهقت
تما غلا ممنوع ياالله توبه تبت
ماهو اللي مرجوع غيه وفيها خبت
خدعها غلا مصنوع معا الواقفين اسحبت
ماني اللي مخدوع طريق ال لولاف اصعبت
اللي طولها مردوع وين ما معاه اركبت
نسيت غلا مليوع شمسه طفت وغربت
طاح طيحة المصروع صرعه وفيه اركبت
قطعت اللي مزروع نين الوطا نشهبت
يابخت ياطبوع ذوبتني وما ذبت
لاني كليت فجوع من يوم عنها غبت
ولاصوت لي مسموع لما اللقا شطبت
تلخيصة الميضوع طابت لعند خربت

شفتك وما صدقت.........

شفتك زها وعقود وناساً كلت وشربت
قمعزت تحت عمود نراجع حساب حسبت
الياس في يقود كفاً افكف ضربت
ناس عدها معدود حطو العشا باعدت
جو رحبو هل جود تفضل وما جاوبت
يم المّيام السود راني خلاص اتعبت
يامكحله بالعود ياراحله يوم سبت
ياناسيه لوعود اطرطش اللي رتبت
لاسوال لك مردود مالشامت اخبارك جبت
ان شا الله الله يجود يلي فصوبك خبت
ونبارك على الميلود وتسامحي لو عبت
كل حد عنده حدود وعارف الحد هلبت

شفتك وماصدقت قلبي نفض نحساب روحي متت يا يوم فرحها .

خيرة العرب

شعر:اكرم الكاسح الدرسي

 

لي ربنا فضلهم..باسلامهم واخر نبي دزلهم.. خيرة العرب

خيرة العرب صلايا
وخيرة العرب تْباع درب اهدايه
وخيرة العرب ماهم اصحاب سوايا
وخيرة العرب شيطان مايضللهم

خيرة العرب لجواد
وخيرة العرب مايخلفو ميعاد
وخيرة العرب لوكان صار عناد
مايذهبو عالحق لوقاتلهم

خيرة العرب لكرام
وخيرة العرب مايبخلو بطعام
ومايرقدو جيرانهم صيام
تشوف ضيفهم تحلف الا من هلهم

خيرة العرب وداده
وخيرة العرب للطايحين اسناده
وخيرة العرب ديما اسماح العاده
بجملة عوايدهم الله جملهم

خيرة العرب فزاعه
وخيرة العرب وقت الكروب شجاعه
وخيرة العرب اجبال ماتداعا
ماشيين ديما في ضرا عاقلهم

خيرة العرب صادقين
وخيرة العرب مايبدلوه الدين
وخيرة العرب بالخير بيض ايدين
ارباوة اسلام اكتابهم منهلهم

خيرة العرب بمروة
وخيرة العرب لاتخون لااتلوه
وخيرة العرب مايعرفوش الدوه
وقت الشدايد يفزعو ابعملهم

خيرة العرب نغريه
وخيرة العرب مايخسروش قضيه
فالمصعبه ماهم اصحاب لويه
علي طول هالتاريخ من يجهلهم
  لي ربنا فضلهم..باسلامهم واخر نبي دزلهم..خيرة العرب

تنشد ليش

شعر اكرم الكاسح الدرسي

 تنشد ليش وحداني بطولي
قضيت العمر ف ايامه نعد
 عليك نرد لومانك عجولي
اقرب يالاي نشرح لك الرد
 نا ع الوقت ما قدرن حيولي
وياما درت غير مالي سعد
 وقتن شين زايد في ذبولي
وقتن فيه ماتامن لحد
 وقتن فيه حتى لمهبولي 
 قوله خير م العاقل قعد
 وقتاً فيه سراق الليولي
له مقدار واصحاب وسند
 وقتاً فيه متريح اوصولي
وبوعصران ماعنده جهد
 شاخ اليوم ع النجع الذلولي
وين ماحيل فرسانه انهد
 خبر بالعين شفته ماحكولي
نبطل كان فامراره نعد
 نا في العمل من يومة قبولي
لامانغيب غيبة من زهد
 ولاني كيف تنبال وملولي
وماله عذر فيت انه رقد
 نراجي فيه راتب يصرفولي
يكمل قبل ما يوصل اليد
 معيشة فقر هاضا حد قولي
وهم وغم واكدار ونكد
 نا والله كادني حمولي
من ياسات نبني وهي تهد
 حتى كيف عدو يخطبولي
بنت فلان وسمعته الرد
وقلت القسم مال معا ميولي
خان البخت في ساعة الجد.

لك يادار

شعر اكرم الكاسح

قلت هذه القصيده في رثاء جدي محمد سليمان الكاسح الدرسي وجدتي وعمتي رحمهم الله جميعاً وأسكنهم فسيح جناته لك يادار شالني خطاوي
ننظر فيك ولقيتك فنا
وين ايام بوشنه وكساوي
عربيات من لون السما
بونزرات وشنابن ملاوي
اللي بالخير مشهور النبا
سيد الطوق في جوف الخلاوي
الكل ابدان مافيهن اعيا
يذبح كان جاه الضيف لاوي
ايجود بكل ماربي عطا
عالي الشان ماهو مالهواوي
هو والشمس فالعالي سوا
دفين اليوم ندعو له دعاوي
بين الحود ضماته الوطا
اوين ايام حني والزهاوي
هلي حنها كيف الدوا
اوقات الليل تحكيهن حكاوي
عن لحوال في ماضي مضا
ماتعرفش تعويج اللغاوي
ولها قلب مايومن قسا
دفينه حذاه اوحزنّا متقاوي
اودمع العين كي لسيول جا
او وين اللي افدوتها قساوي
عمتن لي شوفتها زها
حذا تنور دخانه رقاوي
على القنان لعويّل جرا
اللي بالصبر في اوجوه البلاوي
حملت عيشة الدنيا الفنا
جنها امراض واوجاعن مقاوي
حيط الدار فرقاها بكا
كبار الحوش شالنهم مناوي
لنا الله يحسن فالعزا
فراق احباب ياسيب فجاوي
جروح ارياف مامنهن شفا
احذاك يادار نا والجوف خاوي
رزقك وين فاوقات الضحا
خساره فيك ظلم ضي ضاوي
وملحباب تميتي خلا
اوجوك اصحاب برمو فالجلاوي
دفعو فيك باعوك الضنا
ذكريات جبدنهن دواوي
من بوخال هوه اللي بدا
نرد القول كي طرقاع داوي
ارثا مسموع لبعاد الجبا
ونا فالشعر ماني اللي سطاوي
لكن راه ماكيفي بكا
ولاني قلت في شعري فتاوي
قولي يلف كله عالبكا
ونختم قولتي له بالدعاوي
ان شاء الله مايشوف يوم شقا

الله يرحمهم ويسامحهم ويجعل مثواهم الجنه

وادي انغار

 شعر اكرم الكاسح

هذه قصيده عن زرده في منطقة بريبر في مزرعة الصديق حسن بوشنه وتحديدا عند وادي يسمى ((انغار))

وكنت انا والشاعر اكرم الشلماني والاخ فهيم الشيخي برفقته وتدور القصيده عن بعض احداث هذه الزرده وعن حالتنا بشكل عام وقد خاطبت فيها الوادي مكان الزرده وكذلك فعل الشاعر اكرم الشلماني في رده على هذه القصيده

اسكت واستر ياوادي انغار..علي ماصار..علي زردة هاذيك الدار

اسكت لاتحكي مادرناه

انسى ماصار

ولاتبقى شيال اخبار
بريبر فيه خلا اخترناه

بعيد الدار

على اللايم واللي نقار
دليلي في لوياتك تاه

معا لفجار

ظلام وما فاليد فنار
معا بوشنه رددناه

سريب النار 

غناوي عالياس المكار
الا فهيم النوم خذاه

دليله حار

يشيله ويجيبه تيار
يكركر فالباكور وراه

بغير انذار

بقن عثراته في تكرار
تهنى وين كلاه عشاه

فوسط الدار

تمايل كي مركب فابحار
الا بوموسى من مشكاه

خذا النهار 

معا ليله ترديد اشعار
وقال للي قاعدين حذاه

انا صبار

علي هموم الدنيا لكبار
نطق بوشنه وسمعناه

بصوت جهار 

جبد طاري جده بافخار
ودار الشلماني متكاه

نسو لكدار
طرابى غابو ع لنظار
مريض علي ميت متكاه

عجب ياانظار

مغير من في لاخر كركار
اللي جايبنه ياس معاه

شقا وامرار

يشيب من فالعمر صغار
طراطيش فوادي جيناه

كبرنا نار
طبخناه الشاهي نين فار
هربنا رانا من سباه

الياس ان جار

بلامنظار يجيب المتحامي فموكار
كمل عمر الشاب مراجاه

فنور الدار

خلا جيوبه من كل خضار
وماملي خايب مسعاه

بحكم اقدار

فشاله مانا مالشطار
قرينا والعلم خذيناه

العلم منار
يقول اللي لنا دبار
تخرجنا العلم لقيناه

مغير ودار

فلوس او وقت بغير اثمار
ومافي شي الا ودرناه

ولنا اعذار

يسامحنا الله الستار
استر ربي يزيدك من ماه

تجيك امطار

وتطافر لسيول غمار
الوطن اللي جنبك يملاه

بلاحكار

شلايا تورد عالابيار
وتجري فلوطيان حياه

زها وخضار

اشكال الوان امن النوار
استر حالتنا مانا اسفاه

ولانا اشرار

ولانا بالمولى كفار

الباب طلعنا وسكرناه..استر ياانغار..الصوره ماتنفع تذكار

دنيا دايره

شعر اكرم الكاسح الدرسي

دنيادايره وتدور
هكي الله رايد
جفاني غزير الدور
مده وتمت مدايد
ونا مالجفا مقهور
طايح ومالي سنايد
ذايح عليها ندور
فاقد ايام الودايد
تركني وموش امعذور
حطب نم لم الصهايد
 قزازخاطري اومكسور
تجبيرته غير زايد
ولوطول وهو مجبور
ولو سندوه بحدايد
ياالله بيه مسحور
والياس فيا يكايد
طبيت فالمحظور
مصيود ونا قبل صايد
كملت ليلي سمور
انطفي لهيب الصهايد
دايخ الراس يدور
ماطببنّا صمايد
والجرح وين مايفور
دمه يفك الضمايد
ثوب الغلا موطهور
مالياس تمه وبايد
حتى وين جيت نزور
مكان اللقا ياودايد
القيته الياس طابور
مالي لياسه ندايد
معا اليس يم طقرور
جيشه حدر مالصعايد
تمه غلاي محصور
في وسط ضرب الزنايد
سلاحه قوي محظور
وسلاحي مصدي وبايد
سبحانه الله الغفور
فراق الغلا مالعوايد
سبحان خالق النور
عاطي الخير ابزايد
رب السما والبحور
فراج العقدوالشدايد
يفرج علي كل مزرور
حتى طريح الوسايد
الحمدله والشكور
ماحد عنه محايد

للتحميل والاستماع

http://www.irfa3.com/M7DL28LOYMOP/______________________.mp4

نهيته عنها

شعر اكرم الكاسح

نهيته عنها قال امبش
معاها خش
غلاواستكردني طنش
نهيته عنها خايف خوف
زها مايشوف
يروح من ياسه مكسوف
يعاني في زرة لظروف
مغير ينش
قلاله لاقشه لاعش

نهيته عن جلوة لولاف
بخوف حساف
يسير ونبقو غير قطاف
حكايه يحكيها خراف
ان قتله اش
ادردح تصبايه مابش

نهيته عنها قال خطاني
ماتنهاني
طلعني منه براني
يلزمها خليه يعاني
سا يدهش
يجي من ياسه متغشش

نهيته عن ضاوي الجبين
وسيع العين
اللي ماقابل في حيين
تبّعها ودار جرانين
وماردّش
كلام ان قتله مي لنّش

نهيته عنها دار زنين
حلف بيمين
حلوفة شيخ فقي في الدين
وقال غلا مكحول العين
ان كان حنش
انريده في هالجوف يوش

نهيته عنها لح علي
وعاكسني
عصاني خالف طوع ايدي
دوينا ماجابه شي دي
تقول اطرش
اومن ميلاده متدروش

نهيته عنها زاد زياده
قو عناده
تبع غشاش بلاراده
يحسابه ف الصوب مراده
بان الغش
أعمي منه جا يدودش

قولو لها

شعر اكرم الكاسح

قولو لها لقسام قالن لالا
وقولو لها ماني سبب توخير
وقولو لها لفراق ماناباله
لكن ظروفي حتمن تقصير
وقولو لها جيش الكدر بانزاله
سيطر وماخلف معايا خير
انسدن علي دروب صارت حاله
ومالي جناح نجيك بيه نطير
وقولو لها لوتعلمي باحواله
حسابه معا روحه حساب عسير
وقولو لها ميعادنا ومواله
دار جرح فالخاطر يزيد سطير
وقولو لها تدعي الله تعالى
لاشر يغلب لاالفكر يحير
وقولو لها ديما عليك اسواله
ماللغلا في خاطري تغيير
وقولو لها ناعارفك حماله
سا تعذريني ماخطاي كبير

ايام غياته

(شعر اكرم الكاسح)

نحكي لكم واعي وماني واعي
على ايام غياته وفي لطباع
اللي قبل لايسافر بكا لوداعي
زاد في كنيني لوعة الملتاع
واريت عبراتي كميت اوجاعي
نخاف نشغله مول العيون وساع
ونقول له هالدمع مالا داعي
وهاليوم لاماتحسباش وداع
نا خلقت لك وانته خلقت انتاعي
مغير قسمنا عاكس عصا ماطاع
سلم وعدى خطوته فاسماعي
شكاع سابق لاحقه طرقاع
ملرض ماحوتك رفعت كراعي
لدموع دارن تحتها منقاع
فيه مايفيدن لومتي واقناعي
ياسه اللي مشكل بكل انواع
دونك افزعلي متت يافزاعي
ناديت مالقيتش اللي فزاع
فكوه مني وكان تحت اضلاعي
حطو مكانه ياسم واوجاع
تمه غني وخابن معاه مساعي
افصوب انظلم مالقيت له دفاع
طلقته الخاطر شورهم مداعي
بلامال عندي في غلاه اطماع
زاد الغلا وزادن معاه اطماعي
وفرقاه كانت خاتمة لطماع

طاري القديم

شعراكرم الكاسح

ان جــابـــو يـــــوم طـــــاري لـلـقــديــماتــحـــن الـعــيــن تـبـقـالــي خـصــيــم

طـــــــــــــــــــــاري لــــــــــلاريـــــــــــاداتــحــن الـعـيــن وتـجــافــي الــوســـاد

عــلـــي مـايـغـيــب فـالـدنـيــا نـــكـــادانـــغـــرد كـــيـــف تــغــريــد الـفـطــيــم

فــــارس كــنــت لـلـصـاحــب اســنـــادالـيــوم اوهــنــت وخـمـاســي عــديــم

اتـــقـــول عـــلـــي شــــــدوه الـــزنـــادان جـانـي عـلـم مـــن شـوفــة الـريــم

انــريـــد الـعــيــن تـنـسـاهــم ابـــعـــادوتـسـفــى فـــــوق ذكــراهـــم رديـــــم

ونـلــقــى طـــــب لـفــواهــق افــــــواديــعــانـــي داه مـامــنــهــم ســلـــيـــم

تــخــالـــف راي عــقــلـــي بــالــعــنــادتـشـيـلـه شــيــل لــطـــلال الـوهــيــم

ايــشــوف الــريــح تـسـفــى فـالـرمــادايـــنـــاوض داه يــثــغــى مـالـصـمــيــم

نــهــاره تـــــم كـــــي لـيــلــه ســـــوادغـريــمــه يـــــاس يـاشـيـنــك غـــريـــم

طــــــــــــــــــــاري لـــــلـــــقـــــديـــــماتــحـــن الـعــيــن تـبـقـالــي خـصــيــم

طـــــــــــــــــــاري لــــــــــــــــــــلاولافاتــجــم الـعـيــن وتـفـيــض ابـحــســاف

اوتـنـفــض كــيــف مـكـتـوفـة اخـــــلافان طــاحــت فــيــد ذبــاحــن غـشـيــم

عـلـى اثـــر الـقــل وسـنـيـن الـعـجـافافــوطــن اصــيــاف يـحــلــم بـالـهـزيــم

و كـــــل الـــــداب مــيـــت مـالـجـفــافوكـيـف ايـعـيـش فـــي جـفــوة الـغـيـم

الـعــيــن اتـــــدور تـبــحــث فـلـحـقــافاوتـسـتـسـقـيــك يـــــــاالله الــكــريـــم

ايـحـايــي مـــــاك مـقـتـولــه اصــيـــافوتــزهـــى عــيـــن طـانـيـهــا الـضــيــم

طــــــــــــــــــــاري لـــــلـــــقـــــديـــــماتحن العين تبقالي خصيم..ان جابو يوم

للمزيد من مواضيعي