قصرليبيا: قصيدة توارى كيف الطير جفل

الاثنين، 8 مارس 2010

قصيدة توارى كيف الطير جفل

شعراكرم الكاسح

توارى كيف الطير جفل ..اغبي مااندل ..انسيني ماعني سايل

توارى شد العين وراه

السمح اسماه

اهبوب ارياح الياس خذاه

توارى شال القلب معاه

خطا مرجاه

غني تما والقسم خذاه

يعاني خاطرنا في داه

ظلمني راه

عطا قلبي للياس كلاه

خطم فالزفه من يالاه

بلاحايل

تكسرقفل الصوب انحل

توارى كيف الطير جفل .. اغبي مااندل .. انسيني ماعني سايل

توارى كحال مواقيه

الدمع عليه

يبدد ماقدرت نواريه

الخاطر كي يجبد طاريه

علي ماضيه

نكمل في ليلي نبكيه

ونذّكر دوراً سافيه

ظلاماً فيه

دليل ان خشه مايندل

توارى كيف الطير جفل .. اغبي مااندل .. انسيني ماعني سايل

توارى بوممشوط غمار

وياسه جار

نشاكي به الصاحب والجار

احوالي تمن غيردمار

وذقت امرار

الفرقه واللي كان وصار

حسيبي ياعالم لسرار

التايه دل

سريبه من بالي حول

توارى كيف الطير جفل .. اغبي مااندل .. انسيني ماعني سايل

توارى لباس اللي يخيل

وهد الحيل

اللي كيفه مالقيت مثيل

ولالقيت لصوبه تبديل

ولاتحويل

عزيز عليه العين تسيل

وتنصب نوع الصوت تشيل

بكا مهلهل

علي خيّه اللي مات قتيل

علي ثاره مايريد بديل

اكبرو انعل

وهو يطلب ثاره مامل

توارى كيف الطير جفل .. اغبي مااندل .. انسيني ماعني سايل

توارى بوسالف ممشوط

خطوط خطوط

الياس خذاه بغير شروط

حدردمعي مالعين اسقوط

غلا ملطوط

بعد يسره حالي في قنوط

بقي حالي كيف المربوط

اقنط بخيوط

عليه انهالن مية سوط

يجن بالداله شوط بشوط

وموسايل

عليا لاجاني ساول

توارى كيف الطير جفل .. اغبي مااندل .. انسيني ماعني سايل

توارى ياخساره الرفيق

العزم رقيق

اريافي عيشني في ضيق

بغير منايا نا مانطيق

نقيق نقيق

اللي عايش تما في الضيق

نسيني عدى سمح الريق

ومستثقل

قعد بختي فيه مشوكل

توارى كيف الطير جفل .. اغبي مااندل .. انسيني ماعني سايل

توارى خلاني فالصوب

كما مكلوب

وحايس حوسات المنهوب

انريد ننساه عليه انتوب

بلامحبوب

رضيت بقسمي والمكتوب

نعاود قبل يجيني غروب

ومانندل

طريقي اللي منه نرحل

توارى كيف الطير جفل .. اغبي مااندل .. انسيني ماعني سايل

توارى لكن لاماهان

اغلى انسان

ولاسلمته للنسيان

فراقه ياريته ماكان

ولاحرمان

ولاخونه جرت لحزان

ولاخد بدمعه ريان

ولاذبلان

ولكن كان وكان وكان

وخان غلايا عالي الشان

بعد لامان

وفي وجهي سكر بيبان

يدل حديثه هالخوان

انكانهو دل

علي بختي الشين المايل

توارى كيف الطير جفل .. اغبي مااندل .. انسيني ماعني سايل

هناك 5 تعليقات:

العبدلله يقول...: السلام عليكم ورحمة الله
عمر جالك عقل خوي اكرم
وصح السانك وعلي شانك
ومبارك عليك المدونة بس ماتهجرها وتهجرنا
وسلامتك .; 8 مارس 2010 في 4:42 م
ونيس العوامي يقول...: السلام عليكم ورحمة الله وبركاته
اعليت خوي اكرم
عمر جال عقلك يا خوي

دمت في رعاية الله; 16 مارس 2010 في 4:34 م
أكرم الشلماني يقول...: شاعر فحل يا كرومة; 16 مارس 2010 في 4:34 م
اكرم الكاسح الدرسي يقول...: عبدالكريم
ونيس
اكرم
الله يبارك فيكم
شكراًلكم لترك هذه البصمه; 14 سبتمبر 2010 في 11:46 ص
غير معرف يقول...: اسسلمت وعمر جالك عقل; 26 سبتمبر 2019 في 9:58 ص

إرسال تعليق

فيكن يالنظار اوحلنا

من روائع الشاعر مصطفى الشلماني
فـيـكـن يـا لنـظار اوحـلنا
لين احصلنا
في نـقـنــاق غلا تملنا
يـامـا يا لـنـظــار بكيتن
غير خذيتن
صوب وفي دربه عديتن
هـاوا هـاويت اداعـيـتـن
ناره شلنا
ويـــن علي صوبه عدلنا
فـي الـنـار ايـديـنا حطـيـتـن
جار ذبلنا
صوبه واطاول مشكلنا
جــريـتـن جـر اسـتـربـيـتـن
قال وقلنا
جرنانه مشكل دارلنا
يـامـا يـا لـنـظـار مـنـعـنا
لكن طعنا
جـيـناه وصـوبه ضـيعنا
نـا ويـاكـن بـيـه اولـعـنـا
دمعة سلنا
لـكـن مـادمـعك جـابـلنا
هـاويـتـن ومـعـاه شـرعــنـا
له بادرنا
بـقـدار وبـيـهن دللنا
يـالنـظـار الـيوم بكـاكن
غير عماكن
علي شال رحل خـلاكن
تـشـالـن ياطـول رجـاكـن
ومقابلنا
ياســه والمولـى رادلنــا
زول اللي صوبه رداكن
خان خذلنا
واحنا في صوبه مازلنا
كـــان علي لقسام اعباكن
رانا طلنا ...
صوب ومن قبله نولنا
يــالنــظار اوحــلنا فيكن
جــريـتـنـا لـين اتــبـعــكـــــن
لا عــقـلـي يقـدر يطريـكـن
لا بـيـت بـرايـي نـقـنــعكن
عـبـرة تـرفع وتـواطـيـكن
تـــذارن عـلـي لايـعـــكــــن
طــحـتن في النيران بديــكن
سـلــتن هــذا حـــد فزعكن
مــا قابــل لين ايـسـلـيـكن
لا مـن نـاره يـوم اسـمعـــكن
مـن كـاس الحنضل ساقيــكن
صــوبه في الغـوط مدمعكن
مـن يـوم ماهو نـاسيكن
مـاضـني صـوبه يـنـفـعــــــكن
ما تـحـسـابن يـوم ايـجيـكن
يـنـسـاكن ويـغيـب دلـــعكن
تـدرن في الـهـود مغليكن
مـارديـتـن لـيـن قـشـعـــــكن
يــا لنـظـار الله ايـهديكن
هو نــاكر وانـتـن واجـــــعكن
يــا لنـظـار اللوم عليكن
بـايعنـا كي مـو بـايـعـــكـــــن
حـطـن عـالتبن مذاريـكن
طال عذلنا
في جرنان غلا تملنا

(لك سالف)

يقول الشاعرالمرحوم عبدالهادي بونصرالله الدرسي:

لك سالف منسوع طرنزي
ماح لونزي
عسكر شاش لبوق ابرنزي
لك سلف منسوع مواسى
عقلي هاسه
بودملج طاقر مقياسه
جوف اللي من قو احلاسه
ذب قفنزي..جدي الريم لعب ناقنزي
لك سالف منسوع خيوط
ودار اخطوط
عساكر يدب يوم ارنوط
حزام اللي لاحس السوط
يفز فزنزي
نين الدير ايتم زونزي
لك سالف منسوع طويل
ودور يخيل
ازرع في وادي ماه يسيل
وين بهزني بتجلويل
حديث عطنزي
تمشي في مشيه طربنزي
لك سالف منسوع منوّح
عطره فوّح
عسكر بين وكايل سوّح
يانا اللي منه نذوّح
جرح رزنزي
خلاني للموت زهنزي

فاهق ابكا

أنكان كل فاهق بان .. تبكي عليه ياعين تنعمي
النوم والبكاء واليل .. الهن عزوم ماعاد عندنا
انريد وطن موته هله .. علي عزيز نبكي أبغايتي
ما قالوا حياة افلان ،،، لو يجيب ياعين البكا
ابكا العين موجياب ،،، الا مغير في الخاطر هوس
ابكا العين ع المرهون ،،، ابكا يتيم في دار خاليه
انظر العين ترجا فيش .. تعاقب الليل او مابكت
حزينا طربها غاب .. العين عالبكا ما نلومها
كفارة غلا القديم ..ابكا عمر وصيام عالغلا
حتى الحلم نبكو فيه .. ما تاخد علي قول رقدو
كريت الغطا وبكيت.. بشواش نين رضيت خاطري
أبكيله كباره فيه . كلا دناه ما بيه تطمعي

فواهق عقل

إعزاز مالكين العقل ينساهم منامه يجيبهم

العقل ما ينام الليل سطير جرح لولاف سمره

ازعما وين ما ينساك العقل يا علم يألف بمن ؟

العقل يا بعاد الدار يمسى معاي ويبات عندكم

العقل لا تزيد عليه رقيق عزم بكاي يا علم

العقل ما نسيهم يوم مرايف على طول ياسهم

العقل حاطين عليه احمول ياس وافي كيلهن

العقل فيه شاطت نار قدامك وما بيت تنهضه

العقل ما ينام الليل سطير جرح لولاف سمره

العقل وين ما نعتاز نلقي عزيز مني واخذه

العقل ما نسيكم يوم غوالي على طول عمركم

أعزاز هم رصيد العقل بلا رنين ديما يخطروا

العقل ما عليك يغفل قليل خير كان هو دارها

اوهام اوقديم وفقد يسكت عليش عقلي ما لقي

تحسابه بلاك يحمل العقل يا عزيز راك ظالمه

خلاص ما بعدكم ناس ولا العقل يشقى بغيركم

خليت يا عزيز العقل دقداق ما جبيرة تلايمه

خلاص ما تزيد عليه يكفي العقل ما جاه ساده

سبايب أمراض العقل تبع العين والعين ضالة

سبايب أمراض العقل من اللي لا توارى ولا قسم

على ما دربت العقل ايدير عزم ما با لغيرهم

كبيرة نجاة العقل من نارك اللي فيه والعة

لا يغفل لا ينساك العقل يا علم دوم جابدك

من يوماً حكمتوا فيه العقل ما عرف ناس غيركم

مرايف عليك العقل حتى وانت يالاه يا علم

معاه نار تصلي فيه منها العقل لا نام لا صبر

نلقانك اغليت عليه العقل نين مو عاد حاملك

يشكي العقل يا ما فيه والعين تتقي فيه بالبكا