قصرليبيا: خذوه او عدو

الثلاثاء، 12 أكتوبر 2010

خذوه او عدو

شعر اكرم الكاسح

مطلع القصيده للشاعر القدير الصديق ونيس العوامي

خذوه اوعدو ..في قيسم ماعدعليناردو..هفواقدم عقلي

خذوه وشالو

والداهيه ماعد علينا سالو

وكي اعلقت في طرف الرحيل تعالو

انّاديلهم سدو الذان اوعدو

اتقول عمرهم منا غلا مانالو

ولاعمرهم لاصاوبو لاودو

لوريتم ياخوي كيف تعالو

وخطواتهم كيف من احذايا مدو

وكيف قبل فالغيه امعانا جالو

وكيف باب ملقانا ابجفاهم سدو

وكيف بالدموع الطافره ننهالو

وكيف من مخاطير الجفا انتكدو

وكيف ياونيس ابظلمهم مازالو

اعزازي وهم راخييني ماشدو

اشداد عزم لاالتفتولنا لاقالو:

شي عذر بيه انسندو ماهدو

خذوه اوعدو..في قيسم ماعدعليناردو..هفواقدم عقلي

خذوه ابّوقه

اصبّح يعاني من مراير شوقه

ناسي ايام الرحرحه والروقه

من يوم ما عنا اعزاز ارتدو

باعوه بيعه بالوكس مطلوقه

بلا مفاصله قبلو السعر اومدو

شراه ياس روح به سجين ايسوقه

وماعندنا للياس بيش انفدو

لايقدرو فرسان رد السوقه

ولايقدرو هلنا الياس ايقدو

ولانقدرو ننسو سريب الطوقه

ولانقدرو ليام خلو انردو

بكبودنا ياخوي لي مسروقه

ماعندنا هاليوم بيش انودو

خلنا يارفيقي حاملين خزوقه

المهم لانطاطو ولا نجدو

خذوه اوعدو..في قيسم ماعدعليناردو..هفواقدم عقلي

للتحميل صوتياً اضغط على الرابط التالي

http://www.irfa3.com/PWT10RWDSW35/__1582___1584___1608___1607____1575___1608___1593___1583___1608_.wav

ليست هناك تعليقات:

إرسال تعليق

فيكن يالنظار اوحلنا

من روائع الشاعر مصطفى الشلماني
فـيـكـن يـا لنـظار اوحـلنا
لين احصلنا
في نـقـنــاق غلا تملنا
يـامـا يا لـنـظــار بكيتن
غير خذيتن
صوب وفي دربه عديتن
هـاوا هـاويت اداعـيـتـن
ناره شلنا
ويـــن علي صوبه عدلنا
فـي الـنـار ايـديـنا حطـيـتـن
جار ذبلنا
صوبه واطاول مشكلنا
جــريـتـن جـر اسـتـربـيـتـن
قال وقلنا
جرنانه مشكل دارلنا
يـامـا يـا لـنـظـار مـنـعـنا
لكن طعنا
جـيـناه وصـوبه ضـيعنا
نـا ويـاكـن بـيـه اولـعـنـا
دمعة سلنا
لـكـن مـادمـعك جـابـلنا
هـاويـتـن ومـعـاه شـرعــنـا
له بادرنا
بـقـدار وبـيـهن دللنا
يـالنـظـار الـيوم بكـاكن
غير عماكن
علي شال رحل خـلاكن
تـشـالـن ياطـول رجـاكـن
ومقابلنا
ياســه والمولـى رادلنــا
زول اللي صوبه رداكن
خان خذلنا
واحنا في صوبه مازلنا
كـــان علي لقسام اعباكن
رانا طلنا ...
صوب ومن قبله نولنا
يــالنــظار اوحــلنا فيكن
جــريـتـنـا لـين اتــبـعــكـــــن
لا عــقـلـي يقـدر يطريـكـن
لا بـيـت بـرايـي نـقـنــعكن
عـبـرة تـرفع وتـواطـيـكن
تـــذارن عـلـي لايـعـــكــــن
طــحـتن في النيران بديــكن
سـلــتن هــذا حـــد فزعكن
مــا قابــل لين ايـسـلـيـكن
لا مـن نـاره يـوم اسـمعـــكن
مـن كـاس الحنضل ساقيــكن
صــوبه في الغـوط مدمعكن
مـن يـوم ماهو نـاسيكن
مـاضـني صـوبه يـنـفـعــــــكن
ما تـحـسـابن يـوم ايـجيـكن
يـنـسـاكن ويـغيـب دلـــعكن
تـدرن في الـهـود مغليكن
مـارديـتـن لـيـن قـشـعـــــكن
يــا لنـظـار الله ايـهديكن
هو نــاكر وانـتـن واجـــــعكن
يــا لنـظـار اللوم عليكن
بـايعنـا كي مـو بـايـعـــكـــــن
حـطـن عـالتبن مذاريـكن
طال عذلنا
في جرنان غلا تملنا

(لك سالف)

يقول الشاعرالمرحوم عبدالهادي بونصرالله الدرسي:

لك سالف منسوع طرنزي
ماح لونزي
عسكر شاش لبوق ابرنزي
لك سلف منسوع مواسى
عقلي هاسه
بودملج طاقر مقياسه
جوف اللي من قو احلاسه
ذب قفنزي..جدي الريم لعب ناقنزي
لك سالف منسوع خيوط
ودار اخطوط
عساكر يدب يوم ارنوط
حزام اللي لاحس السوط
يفز فزنزي
نين الدير ايتم زونزي
لك سالف منسوع طويل
ودور يخيل
ازرع في وادي ماه يسيل
وين بهزني بتجلويل
حديث عطنزي
تمشي في مشيه طربنزي
لك سالف منسوع منوّح
عطره فوّح
عسكر بين وكايل سوّح
يانا اللي منه نذوّح
جرح رزنزي
خلاني للموت زهنزي

فاهق ابكا

أنكان كل فاهق بان .. تبكي عليه ياعين تنعمي
النوم والبكاء واليل .. الهن عزوم ماعاد عندنا
انريد وطن موته هله .. علي عزيز نبكي أبغايتي
ما قالوا حياة افلان ،،، لو يجيب ياعين البكا
ابكا العين موجياب ،،، الا مغير في الخاطر هوس
ابكا العين ع المرهون ،،، ابكا يتيم في دار خاليه
انظر العين ترجا فيش .. تعاقب الليل او مابكت
حزينا طربها غاب .. العين عالبكا ما نلومها
كفارة غلا القديم ..ابكا عمر وصيام عالغلا
حتى الحلم نبكو فيه .. ما تاخد علي قول رقدو
كريت الغطا وبكيت.. بشواش نين رضيت خاطري
أبكيله كباره فيه . كلا دناه ما بيه تطمعي

فواهق عقل

إعزاز مالكين العقل ينساهم منامه يجيبهم

العقل ما ينام الليل سطير جرح لولاف سمره

ازعما وين ما ينساك العقل يا علم يألف بمن ؟

العقل يا بعاد الدار يمسى معاي ويبات عندكم

العقل لا تزيد عليه رقيق عزم بكاي يا علم

العقل ما نسيهم يوم مرايف على طول ياسهم

العقل حاطين عليه احمول ياس وافي كيلهن

العقل فيه شاطت نار قدامك وما بيت تنهضه

العقل ما ينام الليل سطير جرح لولاف سمره

العقل وين ما نعتاز نلقي عزيز مني واخذه

العقل ما نسيكم يوم غوالي على طول عمركم

أعزاز هم رصيد العقل بلا رنين ديما يخطروا

العقل ما عليك يغفل قليل خير كان هو دارها

اوهام اوقديم وفقد يسكت عليش عقلي ما لقي

تحسابه بلاك يحمل العقل يا عزيز راك ظالمه

خلاص ما بعدكم ناس ولا العقل يشقى بغيركم

خليت يا عزيز العقل دقداق ما جبيرة تلايمه

خلاص ما تزيد عليه يكفي العقل ما جاه ساده

سبايب أمراض العقل تبع العين والعين ضالة

سبايب أمراض العقل من اللي لا توارى ولا قسم

على ما دربت العقل ايدير عزم ما با لغيرهم

كبيرة نجاة العقل من نارك اللي فيه والعة

لا يغفل لا ينساك العقل يا علم دوم جابدك

من يوماً حكمتوا فيه العقل ما عرف ناس غيركم

مرايف عليك العقل حتى وانت يالاه يا علم

معاه نار تصلي فيه منها العقل لا نام لا صبر

نلقانك اغليت عليه العقل نين مو عاد حاملك

يشكي العقل يا ما فيه والعين تتقي فيه بالبكا