مستاجع

شعراكرم الكاسح الدرسي

مستاجع والله حسيبي..حار لبيبي..كايد جرح الياس طبيبي
 مستاجع من ظلم ايامي
 كايدني ياسك ياشوعه
 ماجابنك لي قسامي
 تميتي عني ممنوعه
 ماني هاني بيه منامي 
من ماقي غارق فدموعه
 فيا نين اغلب لوامي
 قال الملذوعه ملذوعه 
خلاني لضيوق علامي
 عقده في عقده متبوعه
 نكوي في جرحي بالحامي
 ونضمد ويزيد اهلوعه
 نشكي ماني شكوى كامي
 للي صيوري مرجوعه
 نا ياخزرة عين الدامي
 بختي راقد مابا يوعه
 لايم ويش ايفيد ملامي
 في ضيق الحال الطبوعه
 لولاها ماكان اخصامي
 ترضوبه وتزيدو اللوعه
 وتهدو بنيان احلامي..بالتجقيبي..وتلطو قسمي ونصيبي 
مستاجع من طول اريافي 
عللي بكاني مطراهم
 وارتكّن جوفي واطرافي
 كي سمعن طاري غنواهم
 ردني للود الدافي
 ناوالعين ايام دناهم
 جضينا يانا يااولافي
 كي جبّينا في ذكراهم 
 نقهر في روحي بحسافي
 عللي غاب زهاي معاهم
 حالي فيت الله ايعافي
 متكنتي مالياس بلاهم
 سافي ياس متبّع سافي 
جن دون اللي ماننساهم
 خلوني ذايح بقرافي 
ضم وطق علي فرقاه
مسمعو كل الناس اقطافي
 وبكايا من موت رجاهم
 باين للحضار تلافي
 حالي شينه حال اعداهم
 من ياسي من شوف اولافي..زاد لهيبي..منهو غير الله داريبي مستاجع والله حسيبي.....