ياخوي سدك

شعر اكرم الكاسح

ياخوي سدك بلتعاب انردّك
لوتريد ننساهم يخيب الظن
مالك ومالي خلني في حالي
نذّرف علي طاري عزيز ارهن
امقوفل اجبّا في وسيعة ربه
نريد ننشده سيب الكبد لمن
غبيت طريقه في افجوج غريقه
تايه دليلي والجهد واهن
اليوم في هناوي والسعد متقاوي
ونا من كدر ليام غير انزن
سارح بياسي في عفا متقاصي
تاليد سبحانه عليك بدن
رغوث وجلايد كل يوم بزايد
سبحان ربي كيف خالقهن
ابدان اتلزلز مابهنش امعزعز
اقرون طوشّن وقت الضروب دون
وبهن حوالى كسبة المواله
سلايل الصيفه ملوصول خذن
الحولي ان صبه مالدروره لبه
ماتنهضه ملرض غير ابعن
ياخوي تارع سيلهن متفارع
لنظار ملّي كبدتي ساحن
شاكي وباكي حال مو متواكي
مشيّن قضا ليام كي يكفن
نا ياوخيي راه طافي ضيي
صايف ربيعي والصهايد جن
اتجيني اتعزي في اختامة عزي
نقبل عزاك ومانقول لمن
اتجيني بلومه اتطيح فالداهومه
حتى ونا عارف انتا بن من
خلني بروحي ناقلات اجروحي
را العقل راكب فيه مية جن