شعر اكرم الكاسح الدرسي
((ريدي وين عرفني نعزه شوه دزه جافيني يكرب في عزه))
ريدي وين عرفني نريده
في العيبه تمّا متمادي
متغير حتى مد ايده
جياته تمّن سقادي
يجفاني ونزيد وديده
حالي تمّا حال العادي
وعيوبه ف الصوب عديده
بالسيه ديما هُو البادي
متعنطز كاثر تهديده
كيف الي كاره ميعادي
في طبعه صارت تحويده
سبحانه مولاي الهادي
عشت معاه ايام سعيده
قبل يغروبه حسادي
ومن قبل تصيده تعقيده
ويناقر ويزيد عنادي
خلف في جروح جديده
تنزف كادنّه ضمادي
صارت له معايا تبليده
هُو في وادي ونا في وادي
مالقيت فوجهه تنقيده
قلت نجافي مني غادي
مواله سمح التهميده..نبي انحزه..مالخاطر ننفيه انلزه
ريدي وين عرف ما فيا
خلاني مقتول ريافي
جافي لامشيه لاجيه
واستكراده ماهو خافي
باين فيه مجدد غيه
غياتي رادمهن سافي
هاضا رد اكفاه عليا
غاليته ماخنته وافي
معايا قلت يصون الغيه
مانحساب بخونه يكافي
نستاهل مني بيديا
ماشي ع النار ونا حافي
غاليته مادار شويه
وماكرهته حتى وهو جافي
اليوم نبي ننسى طاريه
فاجعني نين حل اكتافي
لكن عندي عين غبيه
تجيبه فكل مكان اصدافي
امهاياه وصوره وهميه
ع الغيات تزيد حسافي
ياريت اف طيبة هالنيه نان ترزا والخاطرماصوب ايهزه
ليست هناك تعليقات:
إرسال تعليق